有無試過洗完頭一陣，啲頭髮已經好立？
有無試過已經日日洗頭，但係個頭都仲係好痕？
有無試過無原無故甩好多頭髮？
係咪轉洗頭水護髮素後，以上情形仍然出現？
係咪習慣去連鎖藥房/超市買洗頭水護髮素？
係咪買名氣品牌的洗頭水護髮素？
如你以上的答案是「有 & 係」，應該係你個頭已經受夠Dimethicone矽靈 & Paraben防腐劑呢啲有害成份。

其實我以前都唔知係因為呢啲有害成份，令個頭唔舒服咗咁耐，
一路都以為係自己同啲洗頭水護髮素唔夾，直至發現市面上大部份嘅產品都用過，
但情況仍然係咁，亦多得網絡發達，上網一查之下，就發現問題所在，
原來市面上大部份方便買到嘅洗頭水護髮素，成份入面都有Dimethicone矽靈 & Paraben防腐劑，
Dimethicone矽靈可以令頭髮有順滑嘅效果，長期使用卻會令頭髮封閉，引致頭皮發癢 & 甩頭髮。
Paraben係化學合成防腐劑，會令皮膚逐漸乾燥，嚴重者會導致累積性皮膚炎，亦係引致皮膚過敏原因之一。

之後我就去citysuper，睇下有邊隻洗頭水護髮素，係無Dimethicone矽靈 & Paraben防腐劑，
就係咁俾我搵到Nature's Gate，我買呢條line雖然唔係Organics，但係入面嘅成份都幾天然，
價錢亦比Organics條line平好多，我暫時仲未捨得用成百蚊買支3XX ml嘅Organics洗頭水護髮素。

用咗第一次之後，已經覺得無買錯，好耐無試過洗完頭成日都唔立唔痕又無甩到一地頭髮，
無出街的話，亦唔使好似以前咁要日日洗頭，但係要注意，由於無咗啲順滑成份，
所以洗頭時會無以前咁順，洗頭後啲頭髮又會無以前咁滑咁令，但係會明顯感覺到啲頭髮健康咗。

Nature's Gate呢條line好似有成8-10種選擇，由於我嘅髮質無乜大問題，所以用最基本嘅Herbal Daily，
如果唔知邊種啱自己，又或者想睇埋其他牌子，建議你去海港城間citysuper，
因為呢間嘅天然產品部門，會有個citysuper員工長駐，算比較熟悉啲產品，有問題問佢都答到，
時代廣場&又一城，多數係某啲牌子嘅Promoter，就算俾你搵到citysuper員工問，好多時都未必答到你。

Herbal Daily Shampoo for All Hair Types (citysuper $58/532 ml)

不含矽靈 · 不含Paraben防腐劑 · 不含色素 · 不含酒精 · 經酸鹼平衡測試 · 不含動物衍生成分 · 不做動物實驗

Herbal Daily Conditioner for All Hair Types (citysuper $58/532 ml)

不含矽靈 · 不含Paraben防腐劑 · 不含人工色素 · 經酸鹼平衡測試 · 不含動物衍生成分 · 不做動物實驗

http://www.natures-gate.com