林海峰 是但噏 我願意 - 婚禮進行曲片段 Part 1

林海峰 是但噏 我願意 @ my903

正呀! 

點解個公仔爭隻眼?

林海峰 是但噏 我願意 - 婚禮進行曲片段 Part 2

演唱會 Poster

蘋果日報　　撰文：丁寧

Jan谷騷玩死人頭　大吉利是

林海峰（ Jan）最近搞作多多，他將於 9月 17日在紅館舉行一連四場、以結婚為主題的 talk騷「是但噏我願意」外，最近又與樂隊 RubberBand合作拍攝新歌《夾硬泥》 MV，與跟他餅印一樣的泥鯭合作，阿 Jan還扮死人頭，被送給黑幫大佬。

林海峰去年舉行的「是但噏求其大合唱」深受市民歡迎，今年添食再在紅館舉行一連四場的「是但噏我願意」，今日他將會舉行記者會宣佈細節。

將為新人證婚

這次「是但噏」以結婚為主題，在宣傳海報中，阿 Jan化身木偶，相當盞鬼。商台最近在網頁徵集準夫婦與新婚夫婦的結婚照片及一段愛的誓言，讓網民投票，勝出的一對將有機會到紅館，由阿 Jan替他們證婚，讓現場萬人拍手祝賀。據知 Talk騷邀請了老拍檔葛民輝擔任表演嘉賓，還有一神秘女歌手會出現。

另一方面，阿 Jan早前與樂隊 RubberBand合作，由於他跟樂隊成員泥鯭的相貌相似，他們今次合唱新歌《夾硬泥》，還一起拍攝鬼馬 MV。在 MV中， RubberBand成員變身蠱惑仔，運送阿 Jan的人頭給黑幫大佬。

戴上假髮的阿 Jan（左）與泥鯭如餅印一樣，兩人還一起合唱新歌。

阿 Jan表示早在 RubberBand推出首張唱碟時已想跟他們合作，如今終一償所願。

RubberBand主音六號（左）自導自演ＭＶ，運送人頭給演黑幫大佬的藝琛。

RubberBand將於周五推出新碟，日前一起拍攝ＭＶ。

戴假髮扮泥鯭

戴上假髮的阿 Jan跟泥鯭來個大兜亂，兩人連爆牙的位置也幾乎相同，最搞笑連泥鯭的母親也分不出自己的骨肉。此外， RubberBand將於本月 24日推出專輯《 Beaming》，碟內收錄 6首歌。

我打到11點幾先打得通，買咗2張$200，不過今次手續費好貴，每張飛要成$20 

蘋果日報　　馮仁昭四圍超

搵阿葛做嘉賓先驗身　 Jan駁鼻開騷明寸整容人

林海峰（ Jan）將於 9月 17至 20號喺紅館舉行「是但噏我願意」 talk騷，噚日喺紅磡開記者會。阿 Jan以小木偶長鼻造型出現，仲許下幾個承諾，當中包括：是但男捧場會同佢一齊是但噏、有 o靚模到場會喺場外設一個名人簽名區等。

當問到阿 Jan點解要整長個鼻，佢就扮一眾被懷疑整容藝人嘅答法，就係例牌否認，佢話：「我睇報道啲人整眼整耳整心口都話冇整㗎。」再問阿 Jan有乜嘢身體部位想加長？佢話最希望係紅館個騷加場。

女嘉賓玩神秘

阿 Jan又透露今次 talk騷會將個場地借畀人結婚，四晚嘅內容會係最 hit嘅話題，第一場講 o靚模、第二場講整容、第三場係講你扯，最後一場就講我扯，但佢當然希望所有觀眾唔好扯（離場）。

有指阿 Jan會邀請葛民輝以及一神秘女歌手擔任嘉賓，問到係咪佢老婆彭羚？佢講笑話：「未搵阿葛之前要搵醫生先，同埋佢個驗身報告，至於我太太就忙於喺沙灘玩水。」阿 Jan又指今年推出嘅紀念品有禮餅、嫁妝、朱義盛同纖體療程。另外，今次 talk騷嘅主辦單位冇金牌大風，阿 Jan解釋雙方一路以嚟合作都冇合約，而且金牌只係幫佢發行唱片，所以唔係次次合作都有佢份。

林海峰噚日以長鼻小木偶 look出現，搞笑趣怪，唔知囡囡會唔會唔認得佢呢？

打側睇阿 Jan個假鼻真係好長，相信佢為個造型都花咗唔少時間。

去年林海峰同葛民輝（右）開騷時阿葛心臟唔妥要入院，好彩冇事，兩人又有機會同台做騷。

阿 Jan同老婆彭羚不時結伴睇騷，如果彭羚肯上台為老公做嘉賓，真係夠晒睇頭。資料圖片

林海峰 是但噏 我願意 - 婚禮進行曲片段 Part 3

蘋果日報

林海峰於訪問中絕口不提自己當年的婚事。攝影：黃文成

男生圍： Jan談情說性爆三字經

做騷做上癮的林海峰（ Jan）將於下月 17至 22日再闖紅館，今次 talk騷主題為「是但噏我願意」。阿 Jan是但噏由伊館走到紅館，一噏就噏足幾年，更場場爆滿，不過他堅持不會將自己的婚事擺上枱，又表示不輕易說我愛你，更將這句話與《三字經》相提並論，且看他如何是但噏。　撰文：李珮洳

訪問當日林海峰換上不同的 T恤讓不同的傳媒拍照，於是追問他於 talk騷會推出甚麼紀念品，正如阿 Jan每次所講，一開騷大家最關心的就是 T恤、 Cap帽、袋、貼紙合共有幾多款，紀念品所賺取的利潤比門票收益更高。阿 Jan解釋每次開騷設計紀念品不是為了牟利，而是作為印記，好讓自己及觀眾記得那種紀念品屬於那一個騷。

彭羚下嫁林海峰後便專心照顧家庭。資料圖片

忙於工作之餘，林海峰不時會抽時間陪伴女兒及太太。資料圖片

讚太太付出有凸

既然今次 talk騷的題目為「是但噏我願意」，我願意三個字自然令人聯想到婚姻大事，於是打蛇隨棍上問阿 Jan有何印記令他紀念自己與彭羚的婚姻？一向口齒伶俐的他一時語塞，想了幾秒笑笑口說：「呢個唔係我個騷嘅內容，又講我自己嘢嘅話，我怕悶親大家呀，到時真係萬劫不復呀。」輕輕將話題帶過。這個答案當然不能滿足大家，於是轉個方式問阿 Jan除了求婚時聽過我願意三個字，之後還有沒有聽過？他說：「我願意嘅地位同我愛你差唔多，即係好似日全食咁，幾百年先見到一次，真係要買定天文望遠鏡去等先睇到，真係好罕見。」

阿 Jan承認自己絕不輕易說我愛你，他表示：「我愛你同我咩你（指粗口）有住同樣重要嘅地位，呢兩句說話喺中國人三字經入面都非常重要，一句就係日全食唔係成日接觸到，另一句就成日接觸到。」

及後與阿 Jan談及當年與彭羚於海外秘密結婚一事，他只笑而不語，問到雙方婚前婚後的承諾有多少兌現了，他言語間讚美太太說：「佢冇應承到嘅就做多咗，當年明明說明書冇講有呢個 function，但最後又會有喎。但係男人就好多時會掉轉，一開始說明書講到明有幾萬種 function，出到嚟又變冇，所以我幾時都話母愛係偉大嘅，個個都鍾意媽咪多啲，因為佢付出亦比較多。」

呻養家負擔沉重

記者即取笑阿 Jan有賢內助有賺，他笑說：「我太太開始對於媒體報道有關佢嘅生活有啲過敏，我讚佢嘅說話佢未必會睇。」阿 Jan更以股票來形容太太，他繼續沒正經的說：「呢隻股我高位入，家可以話係賺緊，即係人哋所講嘅獲利回吐。」記得當年彭羚得到最受歡迎女歌手獎，阿 Jan聞言表示：「你又唔知我壓力大啫，我好大負擔 o架，家佢去沙灘玩，用得最多係油錢。」

開騷越做越上癮

交代完自己的感情事，阿 Jan指今年舉行的 talk騷最大目的是為了頂癮，原來他開始做騷做上癮。阿 Jan解釋每次做騷都帶來很大的滿足感，不過很快就會身痕，他說：「做完一次頂唔到幾耐癮，時間越嚟越短，好快又想做一次，加上屋企消費大啦。其實今次『是但噏我願意』喺上次一完騷已經諗定。」

不過阿 Jan希望下次再舉行 talk騷的場地，由紅館返回伊館，因為他覺得伊館與觀眾的距離較近，開騷時就如食飯與家人傾偈般親切。

去年開過 talk騷的林海峰表示越做越上癮。

同林峯一家親

訪問阿 Jan時他提起其姊林珊珊的一件事，他透露當年珊珊擔任鄰居的伴娘，要悉心打扮，他邊笑邊說：「我當日見到我家姐個妝，以為自己睇緊國慶表演，佢真係好似喺停屍間嗰啲，真係俾佢嚇一嚇。」

林海峰爆其姊林珊珊當年瘀事。資料圖片

親戚撲錯飛

取笑完家姐之後，阿 Jan又提起早前林峯開演唱會發生的一段小插曲，他指父母接到不少親戚朋友的電話要求買飛，他說：「我阿爸收到啲電話主要係問佢，你個仔係咪開騷呀，我想要飛呀，幫我買呀。我估今次到我開騷，林峯啲親戚同朋友會打番畀林峯個老竇買飛。」阿 Jan更笑言希望與林峯及林一峰齊齊 Let's get wet。 

林峯早前開演唱會，令林海峰的親戚誤以為他開騷。資料圖片

我要俾人情

快啲叫你哋既親朋戚友、同事、同學、網友、隔離鄰舍、總之識得嘅人都一齊俾人情！

林海峰 是但噏 我願意 門票於8月4日起城市電腦售票網公開發售

林海峰是但噏　有厘頭

【明報專訊】現今世代，不同年齡的人都說生活有壓力，減壓的最好方法就是「笑一餐」。林海峰（Jan）本着為人尋找快樂的宗旨，每年都在紅館舉行棟篤笑，不過內容卻非「是但噏」、無厘頭、掙一筆錢就算，因為他永遠言之有物。

Jan今年舉行棟篤笑「林海峰是但噏我願意」，他坦言炮製內容感到很大壓力，「為人減壓，我卻漸生壓力」。問他如何令觀眾抱着笑蛋離開？他表示內容絕對保密，即使被嚴刑逼供亦不肯就範，他只說：「其中一個環節，我會為新人主持婚禮，令新人說『我願意』。」

趁低吸納彭羚　現在獲利回套

1998年，Jan與彭羚在加拿大結婚，他當時可有說「我願意」？向來不說太太的Jan，雖然並無回答這個問題，但卻罕有地談及婚事。Jan笑說：「我是趁低吸納（結婚），現在是獲利回套（養家）。」當年，彭羚的歌唱事業正處於高峰期，更奪得「最受歡迎女歌星」獎，取笑Jan是「高位吸納」，反應極快的他也立即無言以對。

向電台請假一個月養聲

Jan結婚時，對太太有什麼愛的承諾？Jan誠懇地說：「她有很多事為我做了，母愛很偉大，她為女兒付出很多。」哪結婚時是否他的「Dream Wedding」？Jan借黎明過橋：「其實我已經想好棟篤笑以結婚為主題，豈料橋段被黎明演唱會用了。」問他會否請樂基兒、黎明擔任嘉賓？Jan笑說：「圈中情侶不知誰真誰假，我最想請米奇老鼠和米妮拍拖上台，『他們』有大陸市場，很遼闊。迪士尼是小朋友和成年人一起去的地方，一定適合兒童觀看。至於Hello Kitty與Daniel，『他們』沒有嘴，不會說我願意。」他笑言很多人搞錯了林海峰、林峯和林一峰，「或者請他們一起做嘉賓都好」。

在訪問中已經「是但噏」了這麼多話題，觀眾毋須擔心他開騷時「冇得噏」，唯一害怕是他把聲，醫生指他說話太多，一定要有充足休息保養；因此，Jan在開騷前向電台請假4星期，「到時我在紅館可以一晚是但噏幾小時」。

記者：楊敏麗

攝影：劉永銳

太陽報

向來鬼馬的Jan，相信會在Talk Show中大談眾星已婚話題。

林海峰擬搞神級婚禮

幾位靠把口搵食的藝人包括林海峰（Jan）、張達明及詹瑞文，當然不留情面，玩盡明星已婚這「世紀熱話」。

Jan將於本月舉行Talk Show《是但噏我願意》，昨日忙於綵排的他抽空出席活動，並直言會加插黎明、劉德華及楊千嬅的「瞞婚」佳話，他笑說：「好多喜事，好感激佢哋咁配合《我願意》呢個話題。（佢哋係被迫。）互相配合，天衣無縫！」Jan笑說若踢爆婚訊事件陸續有來，他或者要加場。問到若眾星到場有何搞作？他說：「搞個『神級婚禮』，我做主婚人，等佢哋接受觀眾嘅祝賀。（低調嘅華仔最難請？）我擺遮陣遮住佢囉！」

Jan透露千嬅曾SMS通知他，問到是被踢爆之前還是之後，他說：「梗係之後啦！天方夜譚咩。」提到關淑怡被揭破一早已婚，Jan說：「佢咁多年保持得好好，唱歌又好。」對於最近藝人被稱「偽人」，Jan抵死地說：「從事呢行七分真實加三分幻想。（邊有七分咁多？）咁就七分幻想三分實囉！我話請佢哋都係幻想㗎！」

蘋果日報

林海峰會場限定品率先睇

一家大細拖男帶女睇林海峰 Talk騷，已成全城潮友每年例行公事，撲飛是其中一部份，買場內限定紀念品亦如是。 2009《林海峰是但噏我願意》 Talk騷仲有唔夠一星期開鑼，騷中內容仍有待林公子揭幕，不過限定產品已經有得睇。其中部份產品是首次出現，例如水杯、地毯、橫間 Tee等，全部印有大會吉祥物 Lambido木偶公仔圖案。小記自己最推介軍帽，質料企身唔焗身，最啱想扮林公子打扮嘅潮人。

Lambido圖案咕o臣$280

Lambido公仔汽車裝飾$100

Lambido圖案 Tote Bag各$180（有啡、黃、綠三色）

黑色 Lambido圖案 Polo Tee$340

黑白色橫間 Lambido公仔 Tee
大人$300
小童$200

Lambido卡其色軍帽$280

帽內印有大會主題字樣及舉行日子

林海峰是但噏我願意

日期︰ 9月 17至 22日及 26日
售賣地點︰紅磡體育館場外

記者︰吳美美

攝影︰譚盈傑

有無人去左17/9o個場...我朋友話over run左好多!

 我星期六先睇，希望到時都over run啦 

GOOd!!!!!!!!!!!!!!!!!!!