當全城在數算哪間超市最抵、哪裏食飯最平，需知道，有時選擇「便宜」亦要選擇「優質」。最近有餐廳推出優惠晚餐時段，大賣「正菜」之餘更大賣海景，不禁有衝動即時在微博裏@汪明荃：「阿姐，平嘢都會有好架！」

晚晚供應 抵過食Lunch

位於金鐘的酒店「奕居」，旗下餐廳Cafe Gray Deluxe自去年10月開幕後，受歡迎程度有增無減，最近推出優惠晚餐時段，三道菜晚餐由晚上6時至7時30分供應，每位只需$295，而且一星期七天都有供應，數數手指此等價錢與該店之午餐消費相若（兩道菜午餐每位$285），但晚餐更有太古廣場居高臨下的無敵景觀送飯，在價格上的確贏晒。而且餐廳逢星期五轉Menu，個個禮拜食都唔會厭。

將街市搬入酒店

主理餐廳的大廚是曾於麗晶酒店（洲際酒店前身）任職的Chef Gray Kunz，明言要將他最愛的香港街市搬進酒店級餐廳之中，以本地蔬菜及有機、可持續發展的食材入饌，煮出糅合傳統與新派風格的歐陸菜，呈現食材最原始的味道之餘，更會加入不少亞洲特色。此舉不但令食客嘗到本地食材的新鮮真味，亦免卻運輸食材時產生的二氧化碳，食得環保，而且間接省下成本，令食物價格更為大眾化。

主菜 Steamed Mandarin Fish, Young Ginger Broth 薑葱蒸本地桂花魚也能登大雅之堂，起骨魚肉蒸起後伴以薑及西洋菜煲成的清湯，再蘸點豉油來吃，要順道為你準備白飯嗎？

頭盤 Organic Tomato Salad and Mesclun以本地不同品種及成熟程度的有機番茄，混上橄欖油、意大利陳醋及岩鹽，伴以本地有機菜沙律，濃味多汁，小記精選。

湯 Chilled Cucumber Soup, Gravlax溫室青瓜去皮去籽後打成濃湯，青瓜皮則刨成絲，連同點點三文魚絲作裝飾，冰鎮上桌消暑一流。

甜品 自家製班戟塗上蜜糖後輕輕燒焦，令面層有點焦糖脆脆口感；襯着鮮杧果粒及以熱情果籽、青檸蜜糖汁所做的果醬，酸甜開胃。

餐廳設計出自本地著名設計師Andre Fu手筆，時尚獨特。

撰文：陳嘉勵

攝影：胡淑儀（部分）

查詢電話：3968 1106

東方日報